Publicacións

Fundación Moncho Reboiras
para o estudo e a divulgación da realidade social e sindical na Galiza

Publicouse un novo número de Comprendermos

Baixo a coordenación de Manuel Mera, director da Fundación Moncho Reboiras, publicouse un novo número de “Comprendermos”, caderno de pensamento para o debate e a acción..

Ler máis...

Xa está dispoñíbel o nº 3 de Comprendermos

Viu a luz o terceiro número de ‘Comprendermos’, o caderno de pensamento para o debate e a acción editado pola Fundación Moncho Reboiras, baixo coordenación de Manuel Mera.

Desta volta, a publicación dedica as súas páxinas centrais aos tratados de libre comercio. Nunha peza de análise asinada por Xabier P. Igrexas, descríbese tanto o contexto no que se insire esta nova vaga de tratados, que o autor cualifica de “punta de lanza” dunha nova ofensiva do capital no marco da globalización imperialista. O texto incide na idea de que TPP (acordo transpacífico), CETA (Canadá-UE), TTIP (EUA-UE) e TISA (50 estados), forman parte dunha mesma estratexia. A finalidade sería garantir aos Estados Unidos o control de entre o 60% e o 80% do PIB mundial.

Ler máis...

Xa está dispoñíbel o número 2 de Comprendermos

A Fundación Moncho Reboiras pon a disposición do público un novo número de Comprendermos, o seu caderno de pensamento para o debate e a acción.

Neste segundo caderno, publicado conxuntamente co número 152 do semanario SermosGaliza, abordamos nunha entrevista co Secretario Xeral da CIG, Suso Seixo, a situación e os horizontes da negociación colectiva e da loita de clases no noso país, nun contexto marcado polo novo pacto social subscrito entre a patronal e os sindicatos de colaboración de clases, CCOO e UGT, e máis polo novo marco represivo da coñecida como Lei Mordaza.

Ler máis...

Exposición no Museo Provincial de Lugo: “70 anos do Consello de Galiza. O goberno galego no exilio”

O 26 de maio, a Fundación Moncho Reboiras inaugura en Lugo unha exposición baixo o título: “70 anos do Consello de Galiza. O goberno galego no exilio”, conmemorando o que fora o organismo  de representación institucional do pobo galego creado no exilio por iniciativa de Castelao en novembro do 1944. A iniciativa que conta coa colaboración da Vicepresidencia Primeira da Deputación de Lugo, intégrase nun proxecto divulgativo que inclúe tamén a edición dun folleto, un video e unha conferencia-coloquio. A exposición poderá verse na Sala Multiusos do Museo Provincial até o domingo 14 de xuño.

Ler máis...

Nace COMPRENDERMOS, caderno de pensamento para o debate e a acción

Co gallo da conmemoración do 40º aniversario da constitución do Sindicato Obreiro Galego (SOG), este 1º de Maio, a Fundación Moncho Reboiras publicou, como separata do número 143 do semanario Sermos Galiza, o primeiro número do caderno Comprendermos. Esta nova publicación seriada da Fundación, da que se editarán 4 números ao ano que se distribuirán conxuntamente co semanario, ten a vocación de ser un espazo para a reflexión e a análise da realidade social, política e histórica do noso país, postas ao servizo da liberación do pobo traballador galego.

Ler máis...

Caderno: ‘Que se agocha tras a Unión Europea? Unha aproximación crítica’

Logo de transcorridos cinco anos desde o inicio da vixente crise capitalista, encetada en 2008 por mor do estalido da burbulla especulativa ligada ao crédito inmobiliario e a súa conseguinte derivación ao sistema financeiro internacional, cobra importancia capital o papel que están a xogar as institucións europeas nesta. De maneira singular a Comisión Europea, como instrumento executivo da propia UE, e o Banco Central Europeo, en tanto organismo regulador da moeda única. Non por casual, ambos niveis que son os chanzos esenciais sob os que se alicerza toda a estrutura da Unión Europea, integran canda a división para Europa do Fondo Monetario Internacional a denominada Troika.

Ler máis...

Percorrido pola historia da nación galega (caderno)

A Fundación Moncho Reboiras-FESGA apresenta a publicación “Percorrido pola historia da nación galega”, que, ao longo de 32 páxinas, traza un itinerario histórico que parte dos inicios do poboamento do territorio até o albor do novo século, pasando por toda unha serie de episodios que foron conformando a idiosincrasia do noso pobo, e sen os cais sería imposíbel entender a nosa realidade actual.

Ler máis...

Caderno: as folgas do ferrocarril de 1931 e 1932 (protestas, solidariedade popular e declaración do Estado galego)

Hai oitenta e un anos proclamábase en varios lugares de Galiza o Estado galego, ao abeiro da conflitiva situación do momento: agromar da Segunda República e das arelas de liberdade das nacións oprimidas da periferia, e da folga dos obreiros contratados pra construción da vía Zamora-Ourense-A Coruña. A República proclamouse o 14 de abril de 1931, nun proceso que abriu unha enxurrada de rápidas mudanzas moito tempo contidas.

Ler máis...

Libro “O sector enerxético en Galiza”

A FESGA vén de publicar o libro “O sector enerxético en Galiza. Situación e perspectivas de futuro”, que xunto ao documental do mesmo nome, forman parte dun proxecto de investigación que contou co apoio da Deputación Provincial da Coruña.

Ler máis...

Castelao e os bascos (Ebook)

En conmemoración do 125 aniversario do nacemento de Alfonso Daniel Rodríguez Castelao, a CIG e maila Fundación Moncho Reboiras (FESGA), coa colaboración da Asociación Galega de Emigrantes Retornados (AGAER), edita en soporte dixital a tradución, acrecentada, ao galego (a cargo de Xurxo Martínez Crespo) do libro “Castelao e os bascos” da autoría de Iñaki Anasagasti.

Ler máis...

2020 · Fundación Moncho Reboiras para o estudo e a divulgación da realidade social e sindical na Galiza

Contacto

Política cookies |

Información legal |