125 aniversario da morte de Rosalía de Castro

Vense de editar desde FESGA un novo políptico a toda cor. Desta volta, o folleto está centrado na figura máis significativa, e ao tempo máis universal, das nosas letras: Rosalía de Castro. Co gallo do 125 cabodano desta importantísima literata galega, e co obxecto de pular na divulgación da súa obra e perfil biográfico, preséntase este traballo que recolle un texto titulado “Rosalía de Castro: a inauguradora da modernidade galega”, da autoría da prestixiosa escritora e sociolingüista Pilar García Negro, así como unha escolma de textos de Rosalía de Castro.