Darío Machado (Cuba): "Se repetimos os vicios do réxime capitalista, hipotecaremos o futuro da revolución"

Darío Machado é Licenciado en Ciencias Políticas e Doutor en Ciencias Filosóficas. Exerce como Profesor Titular Adxunto do Instituto Internacional de Xornalismo José Martí, no que imparte clases en Diplomatura Internacional. Vice-presidente do Consello Científico da devandita institución, tamén é Profesor Titular Adxunto da Universidade de Ciencias Informáticas.

É membro fundador do Consello Científico da Central de Traballadores de Cuba, Profesor Titular Adxunto da Escola Nacional de Cadros Sindicais Lázaro Peña e membro do seu Consello Científico.

É autor de 6 libros: “Burocracia y Burocratismo”, “Nuestro propio camino: Análisis del proceso de rectificación en Cuba”, ” Cuba: Ideología Revolucionaria”, “¿Es posible construir el socialismo en Cuba?”, publicado como libro de texto para o sistema educacional cubano pola editorial Pueblo y Educación, “Introducción al análisis ideológico del contenido del discurso”, e o máis recente“Pensar la sociedad”.É así mesmo co-autor doutros 6 títulos, entre eles: “Actividad social de las masas trabajadoras en las condiciones del socialismo”, “El milagro cubano Bogotá” y “Los cambios en la estructura socioclasista”..

A seguir ofrecemos a súa intervención, que versou a respecto do centralismo democrático como método organizativo, e no que reflexiona sobre o valor fulcral da crítica e da autocrítica, no marco do XIV Seminario Internacional "Os partidos políticos e unha nova sociedade" organizado polo PT en marzo de 2010 en México.